გენერატორის (დინამოს) მცოცავი კონტაქტები - ნახშირები (ჩოთქები) უზრუნველყოფენ ძაბვის გადაცემას კოლექტორზე. ის შედგება ორი გრაფიტის ნახშირისგან, ზამბარისა და დამჭერისაგან. თანამედროვე დინამოების უმრავლესობაში არსებობს ორგვარი მცოცავი კონტაქტები: ნახშირები,  რომლებიც გაერთიანებულია რეგულატორთან ერთიან კვანძად და ცალკე ნახშირები დამჭერით. დროთა განმავლობაში  კოლექტორთან შეხების, დინამოში ზეთის ან სხვა უცხო სხეულის მოხვედრის შედეგად, ხდება ნახშირების დაცლა, შემცირება და დაზიანება, რაც არღვევს აგრეგატის მუშაობის რეჟიმს. დინამოს სრულყოფილი მუშაობისთვის, აუცილებელია ჩოთქების პერიოდული შეცვლა ახლით.